Fyrirsætan Gigi Hadid fagnaði 22 ára afmæli sínu um helgina ásamt kærastanum sínum, tónlistarmanninum Zayn Malik. Systir hennar, fyrirsætan Bella Hadid, og mamma hennar fögnuðu einnig með henni.
Hadid átti afmælisdag eins og ofurfyrirsætu sæmir samkvæmt Daily Mail. Hún fékk kassa af rósum sem kostar um 65 þúsund íslenskra króna og risastóran blómvönd. Hún fékk líka fallega bleika köku í stíl við jakkann sinn. Að lokum fór fjölskyldan í þyrluflug.
Í tilefni af afmælinu birti Bella Hadid nokkrar myndir af þeim systrum. Myndirnar sýna þær saman þegar þær voru litlar en einnig hversu samrýndar þær eru eftir að þær fullorðnuðust.