Ekki missa af Barnamenningarhátíð

Börn verða í forgrunni í Reykjavík dagana 25. - 30. apríl þegar Barnamenningarhátíð verður haldin í Reykjavík. Líkt og undanfarin ár verður Borgarbókasafnið með fjölbreytta dagskrá í menningarhúsum sínum, enda hátíðin vettvangur fyrir menningu barna og sköpunarkraft.

„Þema barnamenningarhátíðar í ár er umhverfi og náttúra og bera viðburðir safnsins þess merki. Boðið upp á listsmiðjur í bókagerð, grímugerð og hvernig semja eigi innblásin sendibréf undir handleiðslu Droplaugar Benediktsdóttur, Kristínar Arngrímsdóttur, Ingibjargar Huldar Halldórsdóttur og Önnu Valdísar Kro sem allar hafa mikla reynslu af því að vinna að skapandi verkefnum með börnum. Móðurmál, samtök og tvítyngi og Litháíski móðurmálsskólinn rannsaka svo náttúru og tungumálaauðlindir með fjölbreyttri dagskrá þar sem börnin verða í aðalhlutverki,“ segir í fréttatilkynningu frá Reykjavíkurborg. 

Ekki missa af myndlistarsýningu á vegglistaverkum og svo verður sögubíllinn Æringi á ferðinni með leikskólabörnum þar sem markmiðið er að mála bæinn grænan með skemmtilegum uppákomum og sögustund á Lækjartorgi. 

Allir viðburðir eru ókeypis og allir velkomnir. HÉR er hægt að skoða dagskrána. 

• Blogga um frétt