Ráðist að Rúrik í Mílanó

Rúrik Gíslason komst í hann krappann í Mílanó á dögunum.
Rúrik Gíslason komst í hann krappann í Mílanó á dögunum.

Fyrrverandi fótboltakappinn Rúrik Gíslason komst í hann krappan í Mílanó á Ítalíu á dögunum þegar manneskja réðst að honum með brotna flösku og ætlaði að stela úri hans. Rúrik segir frá uppákomunni í story á Instagram. 

Rúrik komst heill í burtu frá árásarmanninum. „Mjög gott að vera kominn aftur í ræktina eftir geggjaðan tíma í Mílanó. Ég er reyndar mjög ánægður að ég er búinn að vera í ræktinni svona mikið undanfarið því að um miðja nótt, þegar ég var að ganga heim af barnum, vildi manneskja stela af mér úrinu. Hún kom með brotna flösku og sagði mér að láta sig fá úrið, og reyndi að ráðast á mig. En mér tókst að afgreiða það,“ sagði Rúrik á Instagram. 

Hann gaf ekki nánari lýsingar á því hvernig hann náði að komast frá árásarmanninum. Rúrik er á sífelldu flakki um heiminn og hefur dvalið lengi í Þýskalandi eftir að hann vann Let's Dance þar í landi.

mbl.is
Fleira áhugavert
Fleira áhugavert