Þýski bílasmiðurinn BMW þvertekur fyrir að hafa átt í samráði með öðrum bílasmiðum um að hagræða mælingum á útblæstri díselbíla eða að hafa farið á svig við reglur.
Greint var frá því að þýsku bílsmiðirnir Volkswagen, Audi, Porsche, BMW og Daimler hefðu átt með sér leynilegt samstarf frá því á tíunda áratug síðustu aldar um ýmis mál, svo sem mengun frá dísilbílum.
Volkswagen, sem horfir fram tuga milljarða dala sektir eftir að fyrirtækið játaði árið 2015 að hafa hagrætt mælingum, mun hafa tilkynnt um samráðið til þýska samkeppnisyfirvalda ásamt Daimler sem framleiðir Mercedes-Benz.
„Staðreyndin er að ekki hefur verið átt við bíla frá BMW og þeir uppfylla öll lagaleg skilyrð,“ segir í tilkynningu frá BMW.
„Þetta gildir einnig um díselbíla og er staðfest með niðurstöðum úr prófum á vegum alþjóðayfirvalda.“