Sjávarútvegssýningin Iceland Fishing Expo 2022 fer fram í Laugardalshöll um þessar mundir þar sem 150 fyrirtæki í sjávarútvegi, innlend og erlend, sýna hinar ýmsu nýjungar í greininni.

Þetta er í þriðja skipti sem sýningin er haldin, og sú stærsta að sögn Ólafs M. Jóhannessonar, framkvæmdastjóra Ritsýnar, sem heldur sýninguna, en áður var sýningin haldin árin 2019 og 2016.

Í Laugardalshöll má nú finna snjallar lausnir í sjávarútvegi á borð við róbóta, snertilausar vigtir, sjálfvirk logsuðutæki og vél sem lýsa mætti sem „byltingu í fiskvinnslu“, vélinni UNO frá Vélfagi, sem hönnuð er á  Akureyri, og leysir af hólmi fimm aðrar vélar, færibönd og störf í fiskvinnslu.

Vélin hausar fiskinn, beinsker hann, flakar og roðdregur flökin og gallagreinir loks áður en þau koma út.

Sjón er sögu ríkari, sjáðu myndskeið frá sýningunni hér fyrir ofan.

Tengdar fréttir

Nýsköpun og tækni í sjávarútvegi

Hugmyndafræði Sjávarklasans víða eftirsótt

• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu
• Vinnslur gætu framleitt eigin sótthreinsiefni úr sjó
• Sjávarútvegurinn er drifinn áfram af gögnum

» Fleiri tengdar fréttir

• Blogga um frétt