Munaði litlu að skipið strandaði

Litlu munaði að flutningaskipið Wilson Harrier strandaði í Klettsvík í Vestmannaeyjum síðdegis í dag.

Fjallað er um atvikið á fréttavefnum Eyjar.net, en þar segir að skipið hafi orðið vélarvana í gær og því hafi Lóðsinn, hafnsögu- og dráttarskip Eyjamanna, dregið skipið að Eyjum þar sem það lá við akkeri í nótt, en ekki þótti ráðlegt að draga skipið alla leið inn til hafnar vegna hvassviðris.

Haft er eftir Sveini Rúnari Valgeirssyni, skipstjóra á Lóðsinum, að spilkerfi Lóðsins hafi þá bilað á versta tíma.