„Það er alltaf gott þegar menn tala saman,“ segir Sævar Freyr Þráinsson, bæjarstjóri Akraness, eftir fund með forsvarsmönnum HB Granda í dag. Á fundinum sem stóð yfir í rúmlega tvær klukkustundir var meðal annars rætt um uppbyggingu við höfnina á Akranesi. Félagið hefur í hyggju að loka botn­fisk­vinnslu fé­lags­ins á Akra­nesi og er ástæðan meðal ekki nógu góð hafnaraðstaða. 

Á fundinum sátu, auk Sævars, Vilhjálmur Vilhjálmsson, forstjóri HB Granda, Jónas Guðbjörnsson, fjármálastjóri útgerðarinnar og Ólafur Adolfsson, formaður bæjarráðs á Akranesi.

Næsti fundur verður í næstu viku. Sævar vildi ekki gefa neitt upp um efni fundarins annað en að viðræður stæðu yfir.  

Ef samkomulag næst ekki milli sveitarfélagsins og HB Granda mun fyrirtækið að óbreyttu loka 1. september næstkomandi. 

Frétt af mbl.is

Ekkert annað en að vona það besta

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

• Blogga um frétt